点击“学上海话”了解更多精彩内容
讲张白话夜报啊夜报1作者：白米词语注释：杨张悦、张林龙沪语诵读：徐辉
（讲张、白话，本地土话，意指谈天嘎三胡（ghasewhu聊天，谈山海经，侃大山。又写作“茄山河”）“夜报，夜报，新民——夜报……”响亮而悠扬个卖报声勒拉我脑海里响仔有六十年之久了。勒老家读小学辰光，就晓得上海有张新民夜（晚）报。不过埃歇辰光我伲还算江苏省个，是看勿到当日个夜报个，有辰光可以勒城里个邮电局门口个报廊里看得到。五十年代末，我屋里（okli〈名〉家里）移居上海市区了，就租蹲（den①〈动〉居住，暂留）勒刚刚落成个杨浦百贷商店后头个小马路居民区。阿爸拿单位里个废旧报纸糊墙壁，多数就是新民夜报，四开四版，小小个，但是内容邪气丰富，从国内外大事到里弄新闻，从生产到生活（senwhek①生存。②衣、食、住、行等方面的情况。生读申、伸、身），从文艺到体育，一样勿缺，老有看头。顶顶（dindin〈副〉最最）惊喜是有趟我看到有条短消息个作者叫啥（jiaosa同“啥叫啥”。啥叫啥sajiaosa①说什么。②〈副〉谁知，居然，竟然）脱（和、与）我同名，我发笑了。我顶欢喜看搿夜报一只角浪个隋唐故事连载小说《罗成》，少年英雄白袍将军挑肠杀敌个情节，看得我目瞪口呆（呆沪语读：丹、单、担、耽、胆、掸、诞、堆、对），心惊肉跳。埃歇辰光，夜报还勿是随便订得到个。一般工人家庭也舍勿得花脱每日一只大饼个铜钿来订搿份报纸，就勒单位里向翻翻看看。我伲还勒读书，除脱（shytek〈介／连〉除了）到学堂阅览室去看看，就到杨浦百货商店壗（he壗沪语读喊、嗨、海、胲、氦）边平凉路浪长长个阅报栏张张。搿报廊里从人民日报到解放日报文汇报，还有科技类文艺类个，大约模作有得十几种，外加侪是按日按期更新个，当然夜报也勒搿个（ghekghek这个）当中，因为伊顶受大家欢迎，立勒看个人侪要头碰头，两只脚还勿肯挪一挪，生怕别人挭（ghan①〈动〉碰着，擦着。②〈动〉碰，碰到别人身子挤）进来。阅报栏前头就是公交站头，等车个人总归乘空看脱歇报纸，长长个一排生（yikbhasan一排样子），也蛮壮观。搿报廊对马路就是杨浦图书馆告（gao①〈介〉和，跟。②〈连〉和，跟。“告”为俗字）沪东工人文化宫（东宫），伊个东面是新华书店告邮局报刊亭，勒拉埃歇横里老杨浦个商业中心，也算是文化一条街了。图书馆整天介人进人出勿断，东宫里向也有图书馆阅览室，进去看书看报个人也勿勒拉少数。而每日下半日三四点钟快，是搿段路浪顶顶闹猛个辰光。周围好几只中小学堂放学个学生仔，上下班辰光等车个职工，还有夜饭前头出门来买物事（mhekshy〈名〉东西。读：末事）个家庭妇女，捺搿段平凉路挤勒拍拍满（pakpakmoe〈形〉很满），人声鼎沸。搿辰光马路浪就有一只特别清脆响亮个叫卖声，“夜报，夜报，新民——夜报”，一个三十多岁个长脚女人踏仔部28吋男式脚踏车从西面过来，交关人就迎上去，买夜报，三分一张，卖报女人靠街沿停车，一只手收三分洋钿，一只手顺手朝车子浪个邮袋里抽出一张，嘴巴里“夜报，夜报”个叫卖声一直勿断个。对面报刊亭里倒是静悄悄个，一个戴眼镜个胖子老男人静坐勒里向，时勿时（时时，经常）从窗口探探头，正是夜报生意辰光，伊事先捺当日夜报重要消息摘抄到小黑报浪，挂勒窗口上头，拨路过个人一目了然，摸袋袋，买一张。长脚女人像勒抢生意介，“夜报，夜报”叫勒更响，伊手脚更加熟练更加快，路人更欢喜到伊搿面买夜报，付脱铜钿拿到报纸，急忙就抖开来看了，壗（he壗沪语读喊、嗨、海、胲、氦）边总归有学生仔大人凑近来瞄瞄，揩揩油。好几年辰光里，搿是平凉路浪每日黄昏前头重复勿变个一道好风景。顶高潮辰光是中苏两党大论战，常庄是周围个居民告学生侪早早等勒海，等勒买报读《一评》《二评》……一直到九评，群情激愤（沪语读：氛、份、忿、愤、文、纹、闻、吻、紊），老老亢奋。六四年我国第一颗原子弹试爆成功，当日夜报一记头抢购光了，人群勿肯散去，一直苦苦等到街浪灯火辉煌已经入夜了，只听得长脚女人高喊“号外，号外”，大家侪蜂拥过去，抢一张免费夜报，几家头佮起来看。扬眉吐气啊！葛咾讲，“夜报，夜报，新民——夜报”个响声一直勒我脑海里响勒嗨，六十年啦！（）凡本
转载请注明：http://www.baozhijieshao.com/bzzk/13720.html
